Lidhur me ngjarjen e rëndë të ndodhur në Letoni ku humbi jetën në krye të detyrës Nëntetare Zarife Hasanaj si dhe kanë mbetur të plagosur Komandanti i Kontingjentit Major Klodian Tanushi dhe Rreshteri Julian Kapaj ka reaguar edhe Kryeministri i Letonisë, Krišjānis Kariņš.
Me anë të një postimi në Twitter, Kariņš shprehet se kjo është një ditë e trishtuar për të gjithë si dhe ka shprehur ngushëllimet e tij për familjen e Nëntetares Hasanaj.
“Një ditë e trishtuar për të gjithë ne për shkak të aksidentit tragjik në bazën ushtarake Adazi. Ngushëllimet e mia për familjen e anëtares së Forcave të Armatosura Shqiptare, e cila humbi jetën”, shkruan ai.
Në reagimin e tij ai vijon më tej duke thënë se Letonia është mirënjohëse ndaj Shqipërisë për kontributin e saj në misionin e NATO-s si dhe ju uron shërim të shpejtë dy ushtarëve të tjerë të plagosur.
“Dëshiroj shërim të shpejtë të ushtarëve të tjerë të plagosur. Letonia është mirënjohëse ndaj Shqipërisë për kontributin e saj në misionin e NATO-s”, shkruan Kariņš në Twitter.
Më herët në një deklaratë për mediat, Komandanti i Forcave të Armatosura Kombëtare në Letoni, Leonid Kalnins si edhe sekretari i NATO-s, i shprehën ngushëllimet e tyre familjes së ushtarakes që ndërroi jetë, ndërsa e konsideruan ngjarjen një incident tragjik (lexo ketu).
(F.GJ/FAXWEB.AL)
Discussion about this post