Siguria ushqimore flet ekspertja Paluka:Konsumatorët të blejnë në tregjet e lejuara

E ftuar në studion e Fax News për të folur për sigurinë ushqimore  ka qenë Valbona Paluka drejtoreshë e përgjithshme në Ministrinë e Bujqësisë.

Lidhur me skandalet e fundit Paluka  tha se nuk ka vend për panik dhe se gjendja është nën kontroll. Ajo u shpreh se Ministria ka dy sisteme laboratorësh me anë të së cilës analizon të gjitha mostrat binore dhe shtazore që qarkullojnë në treg.

“Ne kemi dy sisteme  laboratorësh të cilët realizojnë analizat a të gjitha mostrave që qarkullojnë në treg. Ka një kontroll permanent nga ana jonë. Ne, mënyrën e analizimit e bëjmë në bazë të legjitlacionit europian “, tha Paluka.

Në fjalën e saj Valbona Paluka u shpreh se produktet shqiptare janë brenda normave që duhen, dhe vazhdojnë të eksportohen në Europë.

“Shqipëria vazhdon transportin e kafshëve të gjalla, të peshqeve, të vezëve, te produkteve bimore. Ky eksport bëhet në bazë të analizave që kryhet në laboratorët tanë.” u shpreh drejtoresha Paluka.

Gjatë vitit 2018 dhe tremujorit të parë të 2019 produktet shqiptare kanë qene brenda normave të lejuara për sa i përket sasisë së pesticideve tha më tej Paluka.

“Në 2018 dhe në muajt e parë të 2019 të gjitha mostrat e analizuara kanë qenë brenda standarteve që duhen për sa i përket pesticideve. Produktet blihen, dhe fermerët kanë kujdes në sasinë e hedhjes se pesticideve tek bimët. Ne marrim produktin në pikat e grumbullimit në ferma në Shqipërinë dhe ska pasur asnjë rast që të jetë jashtë normave. Rrezikshmëria më e madhe qendron te produktet shtazore” vijoi më tej Paluka.

Paluka thotë që përdorimi hormoneve është zëvëndësuar në masën 80%.

Ekspertja tha ndër të tjera që nuk duhet të ngremë pyetjen a është i dëmshëm vaji i palmës apo jo por duhet pasur kujdes sasia e saj në produket ushqimore, që konsumojmë.

“Siguria ushqimore është shkencë. Vaji i palmës është pjesë përbërëse në shumë ushqime që ne konsumojmë. Nuk është çështja a duhet të konsumohet ose jo, ka një vlerë të caktuar brënda së cilës duhet të jetë.” tha Paluka.

Drejtoresha shtoi gjithashtu  se konsumatorët duhet të kenë kujdes në ato që konsumojne në sajë të metabolizmit të tyre.

“Ka shumë produkte që konsumatori duhet ti shohë në etiketë pasi ka njerëz që janë alergjikë.”

Paluka tha i gjithë kontrolli bëhet në bazë të planeve të monitorimit dhe se I bën thirrje njerëzve të mos blejnë në tregjet e palejuara dhe se ata duhet të blejnë produkte të çertifikuara.

“Kontrolli bëhet sipas planeve të monitorimit. Konsumatori nuk duhet të blejë në tregjet që janë të palejuara. Nuk duhet të blejnë në këto tregje dhe pse mund të jenë të lira.

Unë blej aty ku plotësohen kushtet, ku datat e skadencës janë të pasqyruara dhe unë jam një blerëse e produkteve vendase.” vijoi drejtoresha.

Së fundmi ekspertja tha  që ka abuzime por që situate është nën kontroll

“Ka abuzime në datat e skadencës, por vlen për tu theksuar pronarët e biznesët që bëjnë denoncimin e këtyre abuzimeve. Duhet një bashkëpunim mes të gjithë partnerëve.” përfundoi Valbona Paluka.