Çështja Koni, zëdhënësi i Presidentit i përgjigjet Besa Shahinit

Zëdhënësi i Presidentit të Republikës, Tedi Blushi ka reaguar menjëherë pas deklaratave të ministres së Arsimit, Besa Shahini lidhur me mos dekretimin nga ana e Presidencës të propozimit të saj për shkarkimin nga detyra të Rektorit të UT, Mynyr Koni.

Blushi shprehet se Meta ka dhënë argument ligjorë më të gjët se kurdoherë tjetër lidhur me vendimin e tij.

Ai shprehet se ministrja duhet të mbajë përgjegjësinë e saj të plotë për zbatimin e Reformës në Arsimin e Lartë, duke i propozuar se nëse nuk është dakort të ndjekë rrugën ligjore.

“Institucionet e Arsimit të Lartë janë autonome dhe askush nuk duhet të guxojë të prekë pavarësinë e tyre”, shkruan Blushi.

Reagimi i plotë:

Reagim i zëdhënësit të Presidentit të Republikës, z.Tedi Blushi:

Presidenti i Republikës, Sh.T.Z Ilir Meta në dekretin e tij për rrëzimin e propozimit për shkarkimin e rektorit të Universitetit të Tiranës, z.Mynyr Koni ka folur me argumenta ligjorë më gjatë se kurdoherë tjetër.

Ministria e Arsimit duhet të mbajë përgjegjësinë e saj të plotë për zbatimin e Reformës në Arsimin e Lartë dhe nëse nuk është dakord me argumentat ligjorë të bëra publike nga Presidenti, të ndjekë procedurën që dikton ligji, përtej retorikave boshe.

Institucionet e Arsimit të Lartë janë autonome dhe askush nuk duhet të guxojë të prekë pavarësinë e tyre.

Kujtojmë se më herët Ministrja e Arsimit Besa Shahini ka reaguar lidhur me vendimin e Presidentit (lexo ketu), për mos dekretimin e propozimit të saj.

Shahini shprehet se është e zhgënjyer nga vendimi i Presidentit duke e quajtur atë në dëm të interesit publik dhe haptazi në mbështetje të një shkelësi të ligjit! (lexo këtu).

(F.GJ/FAXWEB.AL)