Thaçi nuk heq dorë nga korigjimi i kufijve, ja çfarë diskutoi sot më Ramën në Tiranë

Presidenti i Kosovës Hashim Thaçi ëështë takuar gjatë ditës së sotme në Tiranë me Kryeministrin e Shqipërisë Edi Rama.

Thaçi shkruan në rrjetet sociale se pjesë e bisedës ishte domosdoshmëria e hapjes së plotë të kufirit Kosovë-Shqipëri dhe krijimin e një hapësire shqiptare pa kufi.

“Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike”, shkruan Thaçi.

Por ajo çfarë tërheq më shumë vëmendjen në deklaratëne e Thaçit është se ai me sa duket nuk ka hequr dorë nga ideja e korigjiomit të kufijve.

“Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, shkruan Presidenti i Kosovës Hashim Thaçi.

Ndërkohë më herët ai ka takuar edhe Presidentin Ilir Meta ku ky I fundit përmes një postimi në rrjetet sociale shkruan se gjatë bisedës me homologunn kosovar kanë vlerësuar marrëdhëniet e dypalëshe dhe nënvizur nevojën e rritjes së bashkëpunimit rajonal, si domosdoshmëri për integrimin europian.

Postimi i Metës:

Shumë i kënaqur të takohesha sot me Presidentin e Republikës së Kosovës, Hashim Thaçi, i cili ndodhet në Tiranë në kuadër të Samitit të Brdo-Brijuni.
Vlerësuam marrëdhëniet e shkëlqyera dypalëshe dhe nënvizuam nevojën e rritjes së bashkëpunimit rajonal, si domosdoshmëri për integrimin europian.
Liberalizimi i vizave për qytetarët e Kosovës, mëse i merituar.?????

(F.GJ/FAXWEB.AL)