Kreu demokrat Lulzim Basha gjatë një turi takimesh që po bën në jug të vendit, është ndaluar në autostradë duke përshëndetur njerëzit që kishin dalë në mes të rrugës për ta takuar.
Ndërkohë që eskorta e tij shoqërohej me dhjetra makina simpatizantësh dhe mbështetësish të cilët kishin nxjerrur flamujtë nëpër xhama dhe u binin borive, Basha ka ndërprerë për disa minuta udhëtimin duke ndaluar për tu përshëndetur me njërëzit që e prisnin në rrugë.
Ajo çfarë vihet re në videon e mëposhte është se kreu i opozitës, i ‘ekzaltuar’ nga entuziasmi i simpatizantëve, ka nxjerr celularin e tij duke filmuar qytetarët dhe autokolonat e makinave që e shoqëronin.
Takimet e Bashës në jug të vendit bëhen në kuadër të ftesës ndaj qytetarëve për pjesmarrje masive në protestën kombëtare të 11 Majit e cila do të zhvillohet në orën 18:30 në Bulevardin “Dëshmorët e Kombit”.
Përfaqësuesit e opozitës e kanë quajtur këtë proteste si vendimtare për rrëzimin e Edi Ramës nga qeveria dhe krijimin e një qeverie tranzitore për ti hapur rrugën vendit që të shkojë drejt zgjedhjeve të lira e të barabarta.
Discussion about this post