Faxnews dhe Faxweb kanë siguruar dëshminë e Dajko Cenodemajt, që mbeti i plagosur gjatë përplasjes më armë mes dy bandave paraditen e sotme në Vlorë.
I plagosuri shprehet se ka qenë nuk konsumuar një kafe me 3 shoktë e tij në momentin që kanë dëgjuar të shtënat.
Ai thotë se fillimisht kanë menduar se kanë qenë fishekzjarre, por me afrimin e dy mjeteve kanë kuptuar se ata po përplaseshin me armë.
‘’Poshtë dëgjuam të shtëna, thamë që ishin fishekzjarre, kur e pamë pastaj që ishin armë, dhe qëlloheshin nga të dy krahët, u futëm të gjithë brenda.
Kur u futëm brenda pashë që po më rridhte gjak nga këmba, kisha marrë plumb. Një plumb tjetër më kaloi afër veshit. Tani jam mirë më hoqën plumbin”, shprehet Dajko Cenodemaj.
Gjendja e Cenodemajt është e qëndrueshme dhe mjekët kanë mundur që t’i heqin plumbin që kishte në këmbë.
Derimë tani Policia e Vlorës nuk ka dhënë asnjë detaj për përplasjen me armë në mes të qytetit, ndërsa burime bëjnë me dije se është vënë në ndjekje të autorëve.
Dyshohet se në përplasjen me armë kanë qenë të përfshirë tre persona, ndërsa janë gjetur të djegur dy mjete.
Makinat e djegura janë gjetur në fshatin Bunavi dhe në fshatin Kërkovë, ndërsa dyshohet se personat e përfshirë në përplasjen me armë janë larguar me këmbë.
Policia thotë se ka pikasur autorët, dhe po kreh të gjithë zonën.(LEXO EDHE KETU)
(E.K/FAXWEB.AL)
