Një sasi droge me vlerë katër milionë euro është sekuestruar nga policia italiane, ndërsa të arrestuar kanë mbetur edhe dy skafistë shqiptarë. Lajmi bëhet me dije nga mediat italiane, sipas së cilave aksioni policor është kryer pranë brigjeve të San Cataldos, ku dy trafikantëve iu bllokua gomonia me rreth 400 kilogramë drogë.
Skafistët kanë tentuar të largohen me shpejtësi, pas pikasjes nga autoritetet, por pa sukses. Në bordin e skafeve, policia ka gjetur 14 pako të drogës të cilat do të shiteshin në sheshet e Salentos do të kishin fituar një qarkullim prej 4 milionë euro.
Sipas mediave italiane, që nga fillimi i vitit 2019 janë sekuestruar rreth 3 ton drogë në brigjet e Puglias, si dhe janë vënë në pranga 70 persona.
Discussion about this post