Listat e kandidatëve të Partisë Socialiste për garën e 30 Qershorit kanë një sërë veçorish, ndër to është kandidimi i komedianit të njohur Erjon Isai në Kolonjë i cili aktualisht është drejtor i Teatrit të Kukullave.
Ndërkohë që PS ka vendosur të rikandidojë për të gjashtën herë Gëzim Topçiun në Maliq për të marrë drejtimin e kësaj bashkie. Gjithashtu Adriatik Zotkaj kërkon një mandate të pestë në bashkinë e Poliçanit dhe Tërmet Peçi të tretin në Tepelenë ç’ka bie ndesh me deklaratat e mëparshme të Ramës se PS nuk do të rikandidonte më kryetar bashkishë që I kanë kaluar bërë tre mandate rresht.
Një tjetër emër që është kandidati i Kavajës Redi Kraja, i cili është kushëri i ish-kryeministrit dhe kryetarit të PS-së, Fatos Nano.
Mati është një tjetër bashki që nga radhët e socialistëve do të përfaqësohet në këtë garë nga Agron Malaj ish-gardist i 21 Janarit, aktualisht drejtor i OSHEE-së, një person mjaft I anatemuar nga politika lidhur me atë protestë.
(F.GJ/FAXWEB.AL)
Discussion about this post