I shkruajtën tek shtëpia “turp të kesh”, Cakaj i del në mbrojtje Borchardt: Mjaft është mjaft

Ministri i Jashtëm në detyrë, Gent Cakaj i ka dalë në mbrojtje ambasdorit të OSBE-së në vendin tonë pas Bernd Borchardt pasi pranë banesë së tij ishte shkruar në mure “Borchardt shomë on you” (turp të kesh), dhe kjo mund të ketë ardhur pas deklaratave të këtij të fundit lidhur me protestën e opozitës ku tha se duhet të shmanget dhuna e iniciuar nga politika.

Cakaj shkruan se gjesti ndaj Borchardt është i papranueshëm dhe një akt kriminal.

“Veprimi është kryer në urdhëra të qarta politike të
krerëve të protestës me qëllim frikësimin e Ambasadorit Borchardt dhe familjes së tij,
si hakmarrje primitive e atyre që pasi kanë humbur kontrollin e vetes duan të nxjerrin nga kontrolli rendin kushtetues të Shqipërisë!”, shkruan Cakaj ndër të tjera.

Reagimi i plotë:

Mjaft është mjaft!

Sulmi i mbrëmshëm ndaj shtëpisë të Ambasadorit të OSBE-së në Shqipëri,
Bernd Borchardt, pas deklaratës publike të OSBE kundër dhunës kriminale në protestën e djeshme, 
përbën një tjetër akt të papranueshëm kriminal. Veprimi është kryer në urdhëra të qarta politike të
krerëve të protestës me qëllim frikësimin e Ambasadorit Borchardt dhe familjes së tij, 
si hakmarrje primitive e atyre që pasi kanë humbur kontrollin e vetes duan të nxjerrin nga kontrolli rendin kushtetues të Shqipërisë!

Ambasadori Borchardt vazhdimisht ka kryer punën e tij me
profesionalizëm të plotë në kuadër të Misionit të OSBE-së dhe faji i
tij i vetëm është thirrja fisnike për frenim nga dhuna dhe distancim
nga veprimtaria e dhunshme. Sulmi ndaj tij është sulm ndaj themeleve
të kulturës demokratike, imazhit ndërkombëtar të Shqipërisë dhe
përpjekje e drejtëpërdrejtë për ta cenuar besueshmërinë e Shqipërisë
për kryesimin e OSBE-së 2020. Kjo nuk është thjeshtë Shqipëria që
duam: kjo nuk është kurrësesi as Shqipëria e tanishme. 
Kjo është
Shqipëria e një grupi rrugëhumburish politik dhe 
huliganë kriminalë si ata që kryejnë akte dhune dhe që kanë dhunuar edhe banesën e ambasadorit.

Për më shumë, kultura e linçimit masiv, diskreditimit tendencioz
profesional dhe cenimit personal është krim në vetvete. Ndaj, secili
person me përgjegjësi minimale shoqërore duhet menjëherë të
distancohet nga sulmi kriminal ndaj Ambasadorit Borchardt dhe të
dënojë veprimtarinë e dhunshme kundër Shqipërisë në përgjithësi.

(F.GJ/FAXWEB.AL;0