Një xhami në shtetin e Konektikatit në SHBA pësoi dëme të konsiderueshme materiale pas një sulmi të zjarrvënës i ndodhur gjatë fundjavës, tha një zyrtar turk të hënën.
Në një deklaratë, atashet e Shërbimeve Fetare të Konsullatës së Përgjithshme Turke në Nju Jork thanë se një hetim është duke u zhvilluar për zjarrin dhe vazhdojnë përpjekjet për kapjen e autorëve.
Zjarri ndodhi rreth orës 4 të mëngjesit. E diela, dita e shtatë e Ramazanit, një muaj i shenjtë gjatë të cilit muslimanët agjërojnë dhe luten .
Një shpërblim prej 2,500 dollarë është ofruar për çdo informacion që çon në arrestimin ose dënimin e autorëve, sipas zyrtarëve.
Në deklaratë thuhet se zjarri filloi në hyrjen e xhamisë dhe arriti në katin e tretë përmes anës së jashtme të ndërtesës.
“Nuk ka pasur humbje të jetës apo lëndimit në zjarr, por është vërtetuar se xhamia ka pësuar dëme në shkallë të gjerë. Tonat e ujit të përdorura për të shuar zjarrin kanë shkaktuar gjithashtu dëme në pjesën e padjegur të ndërtesës”, tha ai .
Incidenti e trishtoi komunitetin turk në Shtetet e Bashkuara, kryesisht në Neë Haven, shtoi deklarata.
Ministri i Jashtëm turk Mevlüt Çavuşoğlu e quajti zjarrvënien si diçka të “tmerrshme” dhe tha se autorët duhet të identifikohen dhe të “dënohen sa më shpejt”.
Ministri gjithashtu bëri thirrje për një qëndrim të bashkuar kundër islamofobisë dhe racizmit.
Muslimanët në SHBA ishin objektivi i gati 19% të krimeve të urrejtjes të motivuara nga feja, sipas të dhënave të FBI-së të publikuara në vitin 2018.
(F.GJ/FAXWEB.AL)
Discussion about this post