Një 23-vjeçar nga Kosova është vrarë në zonën e luftës në Siri. Bëhet fjalë për Rron Eminin nga Prishtina i cili i ishte bashkuar organizatës terroriste të ISIS tre vite më parë.
Nga aty, siç ishte raportuar në vitin 2016, ata kishin kaluar ilegalisht kufirin për të shkuar në një shtet tjetër të Europës Lindore, e më pas në Turqi. Dhe nga shteti turk, kosovarët kishin kaluar kufirin për të arritur në Siri, për t’u bërë pjesë e organizatave terroriste.
Ministri i Drejtësisë në Kosovë Abelard Tahiri ka bërë të ditur se Emini ka ndërruar jetë në zonën e luftës.
“Po kemi informacion që një kosovar, i cili ishte pjesë e grupit ‘Al-Nusra’, Rron Emini ka vdekur. Deri me tani këto informacione i kemi ne si autoritete të Kosovës”, ka thënë Tahiri.
Kujtojmë se institucionet e shtetit në prill kanë sjellë nga Siria 110 shtetas kosovarë, më mesin e të cilëve edhe katër burra që dyshohet se kanë qenë pjesë e luftës nën flamurin e zi të Shtetit Islamik
Të tjerët ishin fëmijë që kanë njërin prej prindërve me nënshtetësi kosovare dhe gra që janë shkuar atje me burrat e tyre. Institucionet kanë njoftuar së planifikojnë t’i kthejnë edhe 60 shtetas të tjerë nga Siri.
