Dogana e qytetit të Vlorës prej më shumë se 3 vitesh nuk disponon mjetet e nevojshme të kontrollit. Skaneri i mallrave mungon në këtë dogane, e megjithatë taksa e bizneseve kundrejt kontrollit të skanerit mbahet.
20 euro është pagesa e skanerit, që edhe pse ky i fundit mungon, bizneset e paguajnë këtë shifër për çdo produkt që kalojneë në doganë. Bizneset ankohen se veç taksës abuzive që u mbahet, po u shkaktohet dëm i madh edhe me produktet që sjellin nga jashtë.
Jashtë kamerave bizneset thonë se kontrrolli i cili duhet të kryhej nga skaneri, ndodh manualisht. Doganieret të Vlorës kontrollojnë produktet në mënyrë manuale. Shpesh duke shkaktuar dëmtime në produkte.
Kryesisht produktet ushqimore apo edhe ato mjekësore që kanë nevojë të rrijnë e kontrollohen në kushte frigoriferike, hapen e kontrollohen në ambjente jo të përshtatshme. Duke dëmtuar shpesh edhe gjithë produktet e më pas askush nuk mban përgjegjësi.
Bizneset ankohen jashtë kamerave pasi sipas tyre kanë frikë se penalizohen në kalimin në doganë. Ata kërkojnë të merren masa të menjershme për futjen në punë të skanerit. Në të kundërt të mos u mbahen 20 euro për çdo produkt që zhdoganojnë.
(F.GJ/FAXWEB.AL)
Discussion about this post