Mbrëmjen e djeshme efektivë të komisariatit nr 1 në Tiranë shoqëruan për të marrë në pyetje studenten Ana Azizaj pas parrullën së bërë në protestën e 11 Majit në hyrje të pallatit të ambasadorit të OSBE-së.
Burime nga policia bëjnë me dije se Azizaj është pyetur për rrethanat e ngjarjes. Ndonëse ka pohuar se së bashku me një grup të rinjsh kanë qenë në hyrjen e pallatit ku banonte ambasadori, Azizaj ka mohuar që mbishkrimin të jetë bërë prej saj.
Pas marrjes në pyetje, e reja u la e lirë ndërsa në pamjet filmike të siguruara nga policia janë identifikuar edhe personat e tjerë që ishin të pranishëm.
Lëvizja e tyre erdhi menjëherë pas deklaratës që ambasadori bëri për protestën e opozitës duke dënuar dhunën në tubim.
Parrulla e shkruar në mur ishte “Borchardt turp të të vijë”.
Pikërisht kjo revoltë e të rinjve, është dënuar me forcë nga qeveria socialiste, duke thënë se një sulm ndaj trupës diplomatike në vend, ka qenë i paprecedentë, dhe dëmton rëndë imazhin e vendit.
Discussion about this post