Kryeministri Edi Rama ka bërë një deklaratë shumë të shkurtër për lajmin se Shqipëria ka humbur në Gjykatën e arbitrazhit në SHBA një çështje me biznesmenin italian Francesco Becchetti, pronarin e televizionit Agon Channel.
I pyetur në emisionin “Opinion” Rama tha se nuk mund të bëjë asnjë koment për këtë çështje, pasi sipas tij ka një klauzolë që nuk i lejon palët që të shprehen deri në përfundimin e procesit.
“Në arbitrazh ka një klauzolë konfidencialiteti që deri në mbarim të procesit, palët nuk shprehen. Ka një klauzolë konfindecialiteti që i obligon palët të mos shprehen pasi është gjykata që në përfundim të procesit do të shprehet. Për momentin kemi portalet”- tha Rama që nuk e mohoi se e di vendimin e marrë që në 24 prill, por që sipas tij nuk mund ta thotë.
3 kolonat e vendimit të dhënë pak ditë më parë, dhe ende të pazbardhur plotësisht janë:
1 – Agon Channel u shkatërrua me një aksion të udhëhequr nga Edi Rama, për shkak të pozicionit si media oponente e tij.
2 – Edi Rama në mënyrë direkte personale ka nxitur një sulm anti-ligjor ndaj interesave të biznesmenit Becchetti.
3 – Është e provuar se Becchettit, televizionit dhe interesave të tij të biznesit, u është mohuar çdo e drejtë elementare për të pezulluar vendimet arbitrare dhe është vërtetuar se të gjitha këto veprime antiligjore arbitrare të dirigjiara nga Edi Rama, janë të gjitha të mbështetura mbi një pandehmë që Gjykata e Arbitrazhit e ka verifikuar si mashtrim.
(E.K/FAXWEB.AL)
Discussion about this post