Pavarësisht se Partia Demokratike ka vendosur që të mos futet në zgjedhjet e 30 Qershorit, ajo ka kërkuar që të ketë komisionerë në KZAZ-të përkatëse.
Kjo duket se e ka tensionuar situatën politike ndersa debati ka zbritur dhe ne KQZ ku ka pasur debat mes përfaqësuesit ligjor, Njazi Kosovrasti dhe Denar Bibës në lidhje me transparencën për firmat e mbledhura për kandidatët e pavarur.
Denar Biba e ka quajtur kërkesën e PD si diçka e ngjashme me prezencën e gazetarëve në rolin vëzhgues për aq kohë sa nuk është subjekt zgjedhor.
Pjesë nga debati:
Biba: Zoti Kosovrasti, interesimi juaj kur nuk jeni subjekt zgjedhor ështe i njëjtë me atë të gazetarëve
Kosovrasti: Sipas jush nuk duhet të jem unë këtu. Sipas jush PD duhet të vijë vetëm për të parë?
Biba: Intensiteti i ndërhyrjeve tuaja më duket i tepruar se nuk jeni subjekt zgjedhor. Jeni regjistruar për zgjedhjet e 30 qershorit?
Kosovrasti: Ç’punë keni ju, jemi parti parlamentare
Biba: Unë qëndrova në elementin administrativ
Kosovrasti: Nuk e vendosni ju masën e ndërhyrjeve te mia
Kujtojmë se ditën e djeshme, Sekretari i Përgjithshëm të PD-së Gazment Bardhi ka reaguar në lidhje me propozimin e anëtarëve që i takojnë PD në KZAZ pas interesimin e medias për një porosi drejtuar Degëve për këta anëtarë.
Në reagimin e tij Bardhi shprehet se: “Partia Demokratike dhe Lëvizja Socialiste për Integrim kanë informacion zyrtar se në KZAZ janë duke u kryer manipulime të rënda të procesit zgjedhor, që nis me regjistrim të paligjshëm të kandidatëve për kryetar bashkie, (lexo këtu).
(F.GJ/FAXWEB.AL)
Discussion about this post