“100 hektarë tokë nën ujë”, banorët në Fier: Histori e përsëritur, nuk ka përgjigje nga shteti

Rreth 100 hektarë tokë janë përmbytur në fshatrat e Fierit, si pasojë e mospastrimit të kanaleve kulluese. Kjo ka bërë që reshjet të dëmtojnë të  mbjellat dhe si pasojë të ketë përmbytje.

Korrespondentja e Fax News në Fier, Fatmira Bajrami ka pyetur banorë të zonës, të cilët thonë se bashkia nuk ka vënë dorë.

Teksa gazetarja i pyet për dëmshpërblim, banorët thonë ‘jo, nuk ka pasur’.

“Gjendja është alarmante. Bashkia nuk ka vënë dorë, po përmbytemi vit pas viti. Askush nga bashkia nuk ka ardhur të na shohë”, shprehen banorët.

“Në maj, mospastrimi i kanaleve kulluese nga reshjet kanë dëmtuar të mbjellat. Një bilanc, nuk ka një shifër, sepse përveç tokave bujqësore që kemi nën ujë kemi dhe sera. Një shifër të saktë e konkrete nuk kemi”, raportoi Fatmira Bajrami, korrespondete e Fax Webit në Fier.