Ish-deputeti i Partisë Demokratike Gent Strazimiri i ftuar ditën e sotme në studion e Fax Neës ka folur në lidhje me lëvizjen e fundit të opozitës për anëtarë në KZAZ si dhe debatet që janë bërë midis përfaqsuesit ligjor të Partisë Demokratike Njazi Kosovrasti dhe Nënkryetarit të KQZ-së Denar Bibës.
Strazimiri shprehet se nuk ka asnjë lloj arsye se pse Partia Demokratike të mos të ndërmarrë këtë veprim dhe se një hap i tillë, sipas tij, nuk është në kundërshtim me ligjin. Madje, ai shkon më tej kur shprehet se janë pikërisht këta zëra kundër të cilët tregojnë se ka diçka që nuk shkon me procesin duke shtuar se me këto argument këta e kanë mizën nën kësulë.
Sipas Strazimirit, lëvizja e opozitës është e duhura në momentin e duhur.
Pjesë nga biseda nën studio:
Xhilda Kondi: Opozita kërkon të çoj në KZAZ anëtar, madje sot në KQZ është paraqitur përfaqsuesi ligjor… Përse kërkohet kjo?
Gent Strazimiri: Kjo është një e drejtë ligjore e PD-së, Kodi e thotë qartë, nuk ka arsye për asnjë kundërshtim. Mora vesh që ka paur një gjysëm debate midis zotit Kosovrasti që është përfaqësuesi i Partisë Demokratike dhe përfaqësuesit ligjor të Partisë Socialise që sduhet të sillet si i tillë në KQZ. Kjo nuk duhet të ndodh. Ligji e thotë qartë që Partia Demokratike, LSI-ja dhe të gjitha partitë e tjera parlamentare kanë të drejtën e tyre ligjore që të paraqiten në komisione. Pyetja është se përse KQZ-ja dhe një përfaqësues ligjor i saj është tërësisht kundër?
Nga kjo kuptohet se kemi bërë mjaft mirë që nuk e kemi lënë të na shkoi dëmë kjo mundësi ligjore e ligjshme. Halli i atyre që bëjnë filma dhe shprehen të habitur nga gjithë kjo histori është se do tju dalin në shesh të gjitha të palarat.
Xhilda Kondi: Opozita thotë se do të monitoroj procesin dhe parregullsitë, çka do të thotë që do të monitoroi një proces me vetëm njërën palë në zgjedhje, një proces vetëm të njëanëshëm?
Gent Strazimiri: Ky është problemi. Një proces i njëanëshëm që nuk kishte pasur nevojë për monitorim por që duhet edhe të monitorohet. Në një kohë që duhet të jetë i tillë sepse nuk ka konflikte dhe nuk ka në faktë dy palë në zgjedhje. Pala që është në zgjedhje pse ka frikë nga prania e opozitës në zgjedhje?
Procesi i zgjedhjeve nuk është thjeshtë shifra është se ka apo s’ka kredibilitet dhe prandaj jemi këtu ku jemi sot. KQZ-ja, veçanërisht anëtarët e pushtetit në KQZ janë të interesuar të kenë sa më shumë transparencë, të ketë sa më shumë vëzhgim, sa më shumë pjesëmarrje… Por këta kanë mizën nën kësulë dhe prandaj janë të shqetësuar nga kjo lëvizje e opozitës e cila për mendimin tim është pikërisht e duhura dhe vjen në një momentin e duhur.
Discussion about this post