Aksidenti/ Plagosen 2 gra që po udhëtonin në mjet, dërgohen me urgjencë në spital

Një tjetër aksident ka ndodhur këtë pasdite në aksin rrugor Fier-Patos

Një automjet ka dalë nga rruga në afërsi të kthesës së Portëzës Nga aksidenti mësohet se  janë plagosur dy gra që ndodheshin brënda në automjet të cilat janë dërguar me urgjencë në spitalin e Fierit për të marrë ndihmën mjekësore.

Automjeti ka rënë në kanalin anësor të rrugës dhe shkak dyshohet të jetë parakalimi i gabuar i një automjeti tjetër që e ka detyruar të devijojë.

Njoftimi i policisë:

Fier
Informacion paraprak

Në datën 20.05.2019, në aksin rrugor Fier – Patos, në vendin e quajtur “Portëz” mjeti tip “Volkswagen” me drejtues shtetasin M.M, 30 vjeç, banues në Patos është përplasur me mjetin tip “Benz” me drejtues shtetasin A.G, 25 vjeç, banues në Roskovec.

Si pasojë e përplasjes janë dëmtuar pasagjeret në mjetin tip “Volkswagen”, shtetaset E.M, 77 vjeçe dhe D.M, 52 vjeçe të cilat ndodhen nën kujdesin e mjekëve në Spitalin Rajonal Fier jashtë rrezikut për jetën.

Grupi hetimor po punon për dokumentimin ligjor dhe sqarimin e rrethanave të ngjarjes.

(F.GJ/FAXWEB.AL)