Minatorët janë grumbulluar përpara godinës së Kuvendit të Shqipërisë ku sapo ka filluar seanca plenare. Ata protestojnë lidhur me “statusin e minatorit” për të cilin thonë se janë mashtruar dhe nuk janë vlerësuar në raport me punën që kanë bërë.
Në punimet e sotme të Kuvendit të Shqipërisë, pritet të miratohet me procedurë të përshpejtuar ligji për minatorët, ç’ka këta të fundit e konsiderojnë si një pallavër politike që nuk i trajton me dinjitet.
Më thirrjet “ne kërkojmë status jo pallavra”, minatorët protestojnë para godinës së Kuvendit ku kërkojnë nga qeveria që të miratojë sa më shpejt këtë akt ligjor.
Ndërkohë ata janë përplasur edhe me forcat e policisë të vendosura para Kuvendit të cilat nuk i kanë lejuar protestuesit ti afrohen godinës.
(F.GJFAXWEB.AL)
Discussion about this post