Kqz ka vendosur që të rrëzojë kërkesën e PD-së dhe LSI-së për të pasur anëtarë në KZAZ për zgjedhjet lokale të 30 Qershorit.
I vetmi që votoi pro kërkesës së dy partive më të mëdha opozitare ishte kreu i KQZ-së Klement Zguri.
4 anëtarët që votuan kundër kërkesës së PD dhe LSI, e argumentuan qëndrimin e tyre, duke thënë se për të pasur anëtarë në KZAZ, partitë politike duhet të jenë regjistruar si subjekte zgjedhore.
Ndërkohë vendimi i KQZ-së është kundërshtuar nga përfaqësuesi ligjor i PD-së Ivi Kaso, i cili tha se gjithçka u bë me urdhër politik të Edi Ramës.
“Opozitë fasadë për të zëvendësuar opozitën e vërtetë. Është një proces zgjedhor i mbushur me paligjshmëri, që në më shumë se gjysmën e bashkive ofron një kandidaturë të vetme. Eksponentë të mazhorancës kanë kërcënuar Komisionin Qendror të Zgjedhjeve që të mos regjistrojë komisionerët tanë.
Anëtarët e KQZ të mos bien pre e presioneve. Ju paralajmëroj se nëse nuk udhëhiqeni nga ligji, do të ballafaqohet me forcën e ligjit dhe me përgjegjësi penale në rast të shpërdorimit të detyrës. Ligji është i qartë dhe nuk mund të bëhet objekt debati”, tha Ivi Kaso në debatet që u zhvilluan më herët në KQZ.
(E.K/Faxweb.al)
Discussion about this post