Kreu i PD-së Lulzim Basha në një lidhje live në Facebook nga selia blu iu ka kërkuar të gjithë shqiptarëve në Europë të votojnë për zgjedhjet parlamentare europiane.
Basha në emër të PD-së u ka bërë thirrje që shqiptarët të votojnë partitë simotra në Europë, duke thënë se PPE-të janë në mbështetje të një europe të fortë.
“Zgjedhjet për parlamentin Europian janë një betejë për ta mbajtur Europën të fortë, të bashkuar për të siguruar anëtarësimin e Shqipërisë në BE. Kërkesa ime ndaj jush është t’i drejtoheni kutive të votomit dhe të zgjidhni Partinë Popullore Europiane.
Të zgjidhni partitë simotra të partisë Popullore Europiane, partisë që ka udhëhequr Europën, votoni dhe në këtë mënyrë keni votuar për të përmirësuar pozitat tuaja si shtetas në vendet anëtare të BE, për një parti të vizionit Europian, të një Europë të plotë”, u shpreh Basha.
Discussion about this post