Protesta e opozitës/ Reagon Ambasada Amerikane: Shmanguni nga vendet ku demostrohet, ushtrohet dhunë

Ambasada Amerikane ka reaguar ditën e sotme duke u bërë thirrje gjithë qytetarët, për protestën e nesërme të opozitës.

Në një shkrim të publikuar ajo u bënë thirrje qytetarëve amerikanë të shmangin vendet ku do të zhvillohet protesta.

Ajo shkruan orën e fillimit të protestës por shprehet për qytetarët e saj se nuk dihet ora e përfundimit të saj.

Duke ritheksuar dhe një herë dhunën e ushtruar në protestat e mëparëshme ajo shprehet se policia ka përdorur gaz lotsjellës dhe ujë për të shpërndarë protestuesit.

“Një demonstratë pritet të zhvillohet para Kryeminsitrisë. Grupi i demonstruesve mund të protestojnë në disa pika. Nuk dihet orari i përfundimit të demonstratës. Në demonstratat e mëparshme ka pasur dhunë. ‘Policia ka përdorur ujë dhe gaz lotsjellës për të zmbrapsur turmën”, shkruan Ambasada Amerikane ndër të tjera.

Kujtojmë që kjo është protesta e gjashtë kombëtare e opozitës e cila prej më shumë se 3 muajsh ka djeguar mandatet dhe proteston për zgjedhje të lira dhe të ndershme, gjithashtu dhe për largimin e kryeministrit aktual duke krijuar kështu një qeveri tranzitore.

Në protestat e mëhershme është ushtruar dhunë si nga policia por dhe nga protestuesit. Së fundmi shpesh është theksuar që kjo do të jetë ‘goditja’ përfundimtare ndaj qeverisë. Në total, opozita ka zhvilluar gjithsej 13 protesta. Protesta zhvillohet ditën e nesërme, duke filluar në orën 19:00, por përfundimi i saj nuk është përcaktuar.