Humbi jetën tragjikisht në Rumani me bashkëshorten, i jepet lamtumira ish-oficerit të sigurisë

I jepet lamtumira e fundit ish oficerit të sigurisë, Ervin Delvina i cili humbi jetën para tre ditësh në Rumani gjatë një aksidenti automobilistik së bashku me bashkëshorten Romune.

Të pranishëm në ceremoni ishin edhe përfaqësues nga Garda, ministria e Brendshme dhe Drejtoria e Përgjithshme e Policisë.

Ervin Dervina humbi jetën në një aksident tragjik në Rumani ndërsa kthehej nga ditëlindja e tij. Ai ishte me detyrë Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC).

Në këtë aksident humbi jetën edhe bashkëshortja e tij rumune ndërkohë që ngjarja është regjistruar në rrugën kombëtare Brâncoveneşti- Suseni, ku kanë mbetur të lënduar edhe katër persona të tjerë.

Siç shkruanin mediat rumune, Dervina me origjinë nga Elbasani, ishte duke udhëtuar me një makinë me targa diplomatike të Ambasadës Shqiptare, kur u perplas me nje kamion mallrash.

(F.GJ/FAXWEB.AL)