Sot nënkryetari i Kuvendit, Myslim Murrizi ka drejtuar për herë të parë seancën plenare që prej marrjes së detyrës ku përsa u ngjit në vendin përkatës është uruar nga deputeti Ralf Gjoni, i cili kishte dalë për të replikuar me Taulant Ballën.
Gjoni kërkoi të replikonte me kreun e grupit parlamentar të PS pasi ky i fundit mbylli replikën e tij, diçka të cilën nuk e lejon rregullorja e Parlamentit dhe këtë e theksoi edhe Murrizi, por ai shtoi se meqë seancën e drejtonte vetë, le ta bënte replikën.
“Në fakt zoti Gjoni nuk lejohet të bëhët replikë mbi replikën, por meqë seancën e drjtoj unë, flisni”.
Ndërkohë që në seancë shpërthyen të qeshura, Gjoni i propozoi mazhorancës që të mblidhej menjëherë Komisioni i Reformës Zgjedhore dhe të bëheshin ndryshimet e nevojshme dhe të mos merrej me opozitën që ndodhet në rrugë sipas tij.
(F.GJ/FAXWEB.AL)
