Një skenë e paprecedentë po bën xhiron e botës dhe ka lidhje me një mësuese të një shkolle në Utah ndaj të cilës kanë filluar hetimet.
Ajo u filmua duke iu ulur në prehër një nxënësi ndërkohë që skena u regjistrua nga një bashkëmoshatar i këtij të fundit në shkollën e mesme Granger në West Valley ditën e premte më 24 maj. Në foto shihet mësuesja, e cila ulet në prehërin e nxënësit ndërsa është duke punuar në kompjuter.
Duke e përshkruar sjelljen e mësueses së tyre si diçka të habitshme, nxënësit tregojnë se ajo punon aty që prej fillimit të vitit shkollor, si një punjonjëse me orë të pjesshme.
“Mësuesja ishte ulur në prehërin e një nxënësi teksa punonte me kompjuter, duket sikur nuk i intereson fare. Nuk mendoj që është e pafajshme, nuk është e hijshme, si mundi ta bënte?”
Një zëdhënës i shkollës konfirmoi se shkolla ka filluar një hetim për të parë nëse gruaja e ka thyer rregulloren e shkollës. Megjithatë duke qenë se ajo nuk është akuzuar ende zyrtarisht, shkolla e ka mbajtur të fshehtë identitetin e saj”, shprehen nxënësit.
Ndërkohë nuk ka munguar as reagimi i shkollës e cila jep detajet për punën e mësidhënëses së re si dhe falenderon prindërit për raportimin e fenomenit duke i njoftuar se janë marrë masa paraprake për mësuesen dhe kanë nisur hetimet.
“Kjo punonjëse është një mësuese e cila punon disa orë në ditë. Ajo ndihmon studentët që të rikuperojnë kreditet. Ajo ka punuar në këtë shkollë që prej fillimit të vitit shkollor. E vlerësojmë që prindërit mundën ta raportonin videon në administratën e shkollës ditën e premte. Punonjësja nuk është paraqitur në punë që pas ndodhisë. Video flet vetë, ne kemi marrë masa paraprake, deri në mbyllje të hetimeve”, thuhet në deklaratën e shkollës.
Ndërkohë që pamjet qarkullojnë nëpër rrjetet sociale nga ku kanë marrë edhe komente të shumta sidomos nga prindërit që kanë fëmijë në shkollë, raportojnë mediat e huaja.