Ndaj babait të një vajze nga Ohajo të SHBA-ve, do të ndërmerret një hetim për abuzim me të mitur pasi detyroi vajzën 13-vjeçare të priste flokët.
Akti i tij kishte ardhur sepse e bija kishte shkuar te parukierja dhe i kishte bërë flokët me fije për ditëlindje.
Vajza jeton në Ohajo ndërkohë që prindërit e saj janë të divorcuar, por babai strikt nuk e lejonte të shkonte te parukierja.
Kur shkoi të vizitojë të atin, ai u habit kur e pa me flokët ndryshe. Asaj ia kishte bërë mamaja si dhuratë ditëlindjeje një seancë falas te parukierja, ku i kishte lyer dhe i kishte bërë me fije të verdha. Por babai dhe njerka e kishin detyruar t’i priste fare, si dënim.
Nëna e vajzës e bëri ngjarjen publike dhe u kërkoi autoriteteve të ndërhynin, të cilat kanë nisur një hetim për abuzim.
