Korça zgjohet sërish me lëkundjë të forta tërmeti. Qytetarët dalin jashtë shtëpive duke lënë banesat e tyre, pasi prej tre ditësh tashmë gjenden në pushtetin e panikut.
Mësohet se tërmeti e ka pasur epiqendrën 18 kilometra larg nga Korça, ndërsa magnituda e tij ka qenë 3.4 ballë, në thellësi 2 kilometra. Edhe gjatë natës ka pasur dy tërmete me forcë më të vogël.
Prej ditës së shtunë kur ra dhe tërmeti me forcën më të madhe, 5.3 ballë, qytetarët e Korçës dhe rrethinave e kanë pasur të vështirë që të gjejnë qetësi.
Më shumë se 230 persona kanë mbetur të pastresë si pasojë e dëmtimin të banesave, ndërkohë që një pjesë e tyre janë akomoduar në çadrat e vendosura nga ushtria, kushtet në to lënë shumë për të dëshiruar.
Nga tërmeti janë dëmtuar mbi 180 banesa, ndërsa pjesa më e madhe e tyre janë shpallur të pabanueshme. Kreu i Emergjencave Civile Haki Çako gjendet prej dy ditësh në terren, për të ndjekur situatën, ndërsa është shprehur se nuk ka vend që të shpallet gjendja e jashtëzakonshme, një kërkesë kjo e artikuluar dhe nga kreu i PD-së Lulzim Basha.
(E.K/Faxweb.al)
Discussion about this post