Deputeti i dalë nga radhët e Partisë Demokratike Lefter Maliqi ka kërkuar sot në Komisionin e Sigurisë që palët të ulen sa më parë në tryezën e diskutimeve, për t’i dhënë njëherë e mirë fund krizës politike.
Maliqi është shprehur se nuk ka kuptim që të mbagen zgjedhje pa opozitën, dhe se kriza politike ka sjellë pasoja shumë të rënda në ekonominë e vendit. Sipas tij, zgjidhja që i duhet sa më parë vendit është ajo për ndryshimin e sistemit zgjedhor.
“Rama duhet të ndalë arrogancën, Basha të ulë tensionet. Meta të ulë palët. Ndërkombtarët të ndërhyjnë për zgjidhjen e krizës. Situata po shkon drejt përplasjes civile e cila po shkon deri në 30 Qershor, do ketë kulmi i tensionit me pasoja të mëdha deri në viktima, kjo për shkak të arrogancës, ironisë së KM dhe tensioneve me drejtuesit e opozitës.
S’mund të bejë zgjedhje me veten e vet pa kundërshtar, keqardhje për protestuesit dhe policet e lënduar. Rama ti thërrasë arsyes dhe të dialogoj sa seshte vone, pasojat do jenë të rënda dhe historia do i perbuzë e dënoj. Basha të ulë tensionet. Zgjedhje pa opoziten jane te paligjshme dhe te pamoralshme dhe anti demokratike, e kunderta con vendin ne diktature. 35 bashki jane pa kandidatë dhe 26 te tjere me kandidatë formal.
Vendi perfundimisht eshte në krize te rëndë politike, ekonomike dhe pasigurie e cila po shkon drejt degradimit. Keqardhje per popullin shqiptar ku po i vritet cdo dite shpresa per te ardhmen nga ky sistem politik dhe elektoral i korruptuar dhe i kalbur. Shtyrja e zgjedhjeve, ndryshimi i sistemit zgjedhor dhe vetingu në politik domosdoshmëri për shmangien e krizave dhe të ardhmen Europiane të vendit”, deklaroi Maliqi në Komision.
(E.K/Faxweb.al)
Discussion about this post