Gjendja në qytetin e Korçës, pas më shumë se 75 tërmeteve të rënë duket se nuk është aspak e qetë.
Në një video të siguruar nga gazetarja e Fax News, Ledjona Xheladinaj, duket se si prefekti Dhori Spirollari dhe Niko Peleshi të pranishëm të dy në çadrat ku banorët e Floqit janë strehuar po buzëqeshin.
Duke i rregulluar jakën e xhaketës, Spirollari dhe Peleshi, shprehin shumë pak shqetësim për banorët të cilët prej disa ditësh zgjohen nga lëkundje e tërmetit.
Banorët e fshatit Floq e kanë zbardhur ditën e sotme të Bajramit sërish nën çadra dhe larg shtëpive të tyre, duke mos pasur kështu mundësi të kryejnë ritualet apo dhe përgatitjet e nevojshme të festës së besimtarëve muslimanë.
Ditën e sotme në Floq kanë qënë dhe Ministrja e Mbrojtjes Olta Xhaçka për të vizituar banorët.
