Prokuroria e Madridit ka denoncuar sulmuesin e skuadrës së Atletico Madrid, Diego Costa, për mashtrim tatimor. Sulmuesi spanjoll ka mashtruar autoritetet tatimore, pasi nuk ka deklaruar për shumën 1 milionë euro që ka përfituar nga të drejtat e imazhit kur luante me skuadrën e Chelsea.
Lajmin e ka konfirmuar e përditshmja spanjolle “Sport”, që i referohet burimeve pranë Prokurorisë së Madridit. Një tjetër lajm i keq për sulmuesin spanjoll, që këtë sezon ka bërë paraqitjen më të dobët të karrierës së tij me fanellën e skuadrës “colchoneros”.
Lojtari ka një kontratë deri në vitin 2021 me skuadrën e Atletico Madrid, por ai mund të lërë që këtë verë skuadrën spanjolle. Përflitet se oferta që ka ardhur nga Kina është vërtet e majme, çka mund ta bindë sulmuesin 30-vjeçar të largohet nga Europa.
Discussion about this post