Shkrumbohet automjeti në autostradë, ishte marrë me qera nga një shtetas i huaj. Lëndohet pasagjeri

Një automjet tip Ford me targa AA313DG është shkrumbuar totalisht në autostradën Vlorë-Levan. Fatmirësisht 2 personat që kanë qenë duke udheëtuar me të nuk kanë marrë dëmtime serioze, vetëm pasagjeri është dëmtuar lehtë në krah në përpjekje për të shuar zjarrin.

Automjeti është marrë me qera në qytetin e Fierit nga një shtetas i huaj, i cili pas disa kilometrash larg Vlorës ka vënë re njeë shkëndijë në pjesën e përparme të makinës.

Për një kohë të shkurter makina është djegur totalisht. Ndërsa fatmirësisht të dy personat që kanë qenë në makine kanë dalë në kohe nga makina. Zjarrfikësja dhe policia kanë mbërritur në vendngjarje. Policia po punon për zbardhjen e shkaqeve të zjarrit.