Fax News ka siguruar raportin e auditit të listave të zgjedhjësve, për 30 Qershorin ku janë evidentuar një sërë shkeljesh, që cënojnë rëndë të gjithë procesin.
Nga gjetjet e auditit rezulton se prej Dhjetorit 2018 deri në listën finale 350.843 qytetarëve i janë modifikuar të dhënat e banimit dhe për këto veprime mungojnë gjurmët e sistemit dhe dokumentacionet përkatëse.
“Mos identifikimi se kush ka kryer ndryshimet mbi të dhënat dhe mungesa e dokumentave që kërkon ligji ka cenuar rëndë sigurinë e regjistrit dhe integritetin e listës së zgjedhësve.
Në mënyrë arbitrare dhe pa dhe asnjë dokumentacion në 2.5 muaj janë shtuar 47.747 kode të reja banesash. Janë mbi 100 raste në të gjithë Shqipërinë ku kodet e banimit rezultojnë me mbi 300 banorë”, thuhet në një pjesë të auditit.
Ndërkohë që Korçë skandali thellohet dhe më shumë duke qenë se në adresën e Fakultetit të Shkencave të Natyrës dhe shkencave humane rezultojnë të regjistruar 495 zgjedhës.
Po ashtu në qytetin e Durrësit në një banesë që është fotografuar nga sipër dhe ka një sipërfaqe shumë të vogël, rezultojnë që janë strehuar 944 zgjedhës së bashku me familjet e tyre.
Një tjetër shkelje po ashtu rezulton në Elbasan, ku një ndërtesë gjashtëkatëshe figuron sikur ka të strehuar 408 zgjedhës, gjë që realisht është e pamundur.
Discussion about this post