Në prag të përkujtimit të 75 vjetorit të genocidit grek mbi çamët, në mbledhjen e sotme të Këshitllit Bashkiak, Tiranë, me propozim të kryebashkiakut erion Veliaj, është marrë vendimi që sheshi i Bulevardit të ri të mbajë emrin “Çamëria”.
Midis shumë çështjesh që u diskutuan në mbledhjen e sotme të këshiollit, u mor edhe ky vendim, I cili kujtojmë se ishte një nga zotimet e Veliajt gjatë fushatës së kaluar për zgjedhjet lokale.
“Ky ka qenë një premtim i joni dhe prandaj unë propozoj qe kjo nismë të futet në rendin e ditës dhe kërkoj nga anëtarët e këshillit bashkiak që ta votojnë”, tha Veliaj gjatë fjalës së tij kur edhe bëri propozimin.
Ndërkohë zëvendëskryetarja e Këshillit të Bashkisë Vjollca Braho, e ka vlerësuar këtë vendim si dhe ka falenderuar anëtarët e Këshillit për votimin pro tij.
“Votimi i kësaj nisme na bën nder të gjithëve në respekt dhe nderim të një komuniteti, i cili u masakrua vetëm për shkak se ishin shqiptarë”, tha Braho.
(F.GJ/FAXWEB.AL)
Discussion about this post