Zbardhet axhenda e Edi Ramës në Bruksel, kë do të takojë kryeministri

Kryeministri Edi Rama ka fluturuar sot drejt Brukselit ku pritet që të ketë disa takime të nivelit të lartë, në një kohë kur në vendin tonë ka përplasje politike.

Ndërkohë që është zbardhur dhe axhenda e tij, në 17:00 kryeministri do të ketë një takim me shefen e diplomacisë së Bashkimit Europian, Frederica Mogherini.

Më pas, shefi i ekzekutivit shqiptar do të zhvillojë një takim edhe me Kreun e Këshillit Europian, Donald Tusk si dhe me presidentin e KE, Juncker.

Nuk dihet ende nëse do të ketë një ndikim nga Brukseli për zgjidhjen e krizës politike, që po thellohet dita ditës, veçanërisht pas vendimit të Metës për të shtyrë zgjedhjet lokale të 30 Qershorit, dhe nismës së socialistëve që kërkojnë shkarkimin e tij.

(E.K/Faxweb.al)