Aksident me vdekje në Fier, humb jetën këmbësorja. Arrestohet drejtuesi i mjetit

Një 46-vjeçar është arrestuar nga ana e policisë për shkak se ka aksidentuar për vdekje një këmbësore 49-vjeçare. Aksidenti ka ndodhur pasditen e djeshme në endin e quajtur “Qafa e Lalarit”.

Njoftimi i policisë:

Specialistët e Sektorit të Qarkullimit Rrugor në Drejtorinë Vendore të Policisë Fier, arrestuan në flagrancë shtetasin:

J.F, 46 vjeç, banues në Patos.

Arrestimi i këtij shtetasi u bë pasi në aksin rrugor Fier-Ballsh, në vendin e quajtur “Qafa e Lalarit”, duke drejtuar automjetin tip “Ford”, ka aksidentuar shtetasen këmbësore S.B, 49 vjeçe, banuese në Lalar, e cila ka ndërruar jetë në Spitalin Rajonal Fier.

Materialet i kaluan Prokurorisë pranë Gjykatës së Shkallës së Parë Fier për veprën penale “Shkelje e rregullave të qarkullimit rrugor”.

(E.K/Faxweb.al)