Gazetari, Armand Maho ishte i ftuar në studion e lajmeve të Fax News ku foli kryesisht për arrestimin e gazetares Suela Musta e cila u ndalua gjatë një operacioni blic të policisë gjatë ditës së djeshme, si dhe për aktualitetin politik në vend.
Maho tha se arrestimi i saj është i padrejtë dhe i pa shpjegueshëm në rrugë ligjore, duke argumentuar se me këtë akt shantazhues, sipas tij, është një kërcënim për të gjithë gazetarët dhe bëhet me qëllim.
“Ky është një kërcënim për gjithësecilin prej nesh, për çdo gazetar që jeton në këtë vend dhe bëhet me qëllim për të ushtruar presion. Të dërgosh RENEA-n në shtëpinë e një zonje si të kishte të bënte me një celulë terroriste, me një baba në shtratin e vdekjes dhe Sonila që është edhe vetë e sëmurë, do të thotë të veprosh me dy standarte. Prandaj them se situata është alarmante. Kërkojnë ta lidhin me deomos emrin e Sonilës me Çapjat e Elbasanit. I dërgohet RENEA një plaku dhe një zonje në shtëpi, ky është një mesazh për të gjithë”, tha ndër të tjera Maho.
Ai theksoi se kryeministri Rama është produkt i medias dhe në njëfar mënyre sipas tij, kjo e fundit është përgjegjëse për veprimet e tij.
“Rama ka armiq jo mediat por gazetarët. Dhe ka gjetur një rreng për t’ju bërë presion të tjerëve. Në fakt unë prisja një reagim më të fortë nga kolegët, ndoshta kjo vjen edhe nga që shumë nuk e njohin nga afër Suelën, pasi është shkëputur nga terreni. Përveç kësaj prisja, një reagim më të fortë nga ata që e kanë njohur.
E kam thënë, Rama është produkt mediatik, atje ku është sot mediat e gazetarët me veprimet dhe mos veprimet e tyre kanë bërë që Rama te bëjë veprime të tilla që në njëfarë mënyre e bën një pjesë të medias përgjegjëse. Ai intimidoi e kërcënoi edhe gazetaren tuaj, pse(?)Sepse keni një frymë tjetër”.
Gjatë kohës që Maho po fliste në studio me gazetaren Armela Ferko, televizioni Fax News bëri një lidhje të drejtëpërdrejtë nga Shkodra ku kryetarja e Bashkisë së këtij qyteti mbajti një deklaratë të jashtëzakonshme për mediat.
Ademi foli për kërcënimet që u janë bërë punonjësve të bashkisë për shkak se kanë vendosur t’i binden dekretit të Presidentit për shtyrjen e datës së zgjedhjeve (lexo këtu).
Në lidhje me këtë situatë mjaft të tensionuar në Shkodër por edhe në rang vendi në përgjithësi, Maho tha se qeveria dhe prokuroria nuk kane kërcënuar drejtpërdrejt por iu kane çuar listat bandave. Ai shtoi se, nëse vazhdohet në këtë linjë, dhe kryeministri ndërkohë nuk ofron një zgjidhje, mund të arrihet një një përplasje të pashmangshme civile.
“Nëse drejtori do ta bënte një gjë të tillë atij do t’i kërkoje llogari, por një kryetar bande s’ke çi bën. Kryeministri duhet t’i jap zgjidhje. Nuk e di por nëse vazhdohet do të mund të arrijmë në një përplasje të pashmangshme civile. Është e papranueshme që Partia Socialiste të fitojë 61 bashki. Ata thonë se i kanë të fituara por unë nuk besoj se i kanë zgjedhjet të fituara, kjo është frika edhe e Edi Ramës që nuk do ta çojë vendin në gjedhje dy palëshe edhe me opozitën”.
(F.GJ/FAXWEB.AL)
Discussion about this post