Gjatë protestës së sotme të qytetarëve në Korçë në pritje të kryeministrit Rama për fushatën e tij elektorale, të ashpra kanë qenë edhe masat e marra nga policia kundrejt protestuesve.
Nga pamjet e filmuara në videon e mëposhtme shihet qartë një grua e cila shtyhet me forcë nga policia, ndërkohë që pas disa të bërtiturash të saj, një tjetër protestuese i vjen në ndihmë, ku në revoltë e sipër gjuan me shapakë efektivët e policisë.
Kujtojmë se për të evituar përplasjet, në mbrojtje të kryeministrit dhe për të vënë nën kontroll banorët të cilët tentonin t’i bllokonin rrugën eskortës së kryeministrit, gjithë policia e shtetit, forcat speciale dhe Garda e Republikës kanë zbarkuar në qytetin jug-lindor.
Ndërsa bëhet me dije se eskorta e kryeministrit ka devijuar rrugën, dhe ka kaluar nga Dardha duke shkuar gjysëm ore me vonesë në takim.
(B.L/FAXWEB.AL)
Discussion about this post