Jemi në kohë fushate, dhe pavarësisht se socialistët luftojnë të vetëm, kjo nuk i pengon ata që të përdorin të njëtat mekanizma të kohës së kaluar, siç është përdorimi i fëmijëve.
Së fundi ka qenë zv.kryeministri Erion Braçe ai që ka publikuar një foto në llogarinë e tij në Instagram, për të cilën ka marrë mjaft kritika nga ndjekësit.
Shkak është bërë se në foton e publikuar nga Braçe është dhe një vajzë e vogël, me sytë e përlotur, ndërsa pas saj kryeministri Edi Rama.
“FOTO E JAVES/ DIVJAKE, NE TE DY DHE “NJERIU ONLINE”!”, shkruan Braçe, ku shihet dhe kryeministri, i zhytur tërësisht në botën e tij virtuale.
Një prej komentuesve i shkruan Braçes se përdorimi i fëmijëve në kohë fushate është një fenomen që ndodh vetëm në Shqipëri.
Komentuesi: Me vjen keq qe po e them por vetem ne Shqiperi ndodh se kur vjen momenti per votime futni edhe kalamajt e vegjel ne mes
Braçe: Ku e sheh politiken ti, kete nuk po arrij te shoh e qe e sheh ti!!!
P.s Fotoja e vajzës është retushuar për të mos cënuar të drejtat e saj
(E.K/Faxweb.al)
