Kanë nisur tensionet në qytetin e Shkodrës për shkak të vendimit të bashkisë së këtij qytetit për largimin e materialeve zgjedhore nga KZAZ-JA NR 2 e përcaktuar për zhvillimin e zgjedhjeve të 30 Qershorit.
Siç shihet edhe në videon e mëposhtme, Policia ka penguar punonjësit e bashkisë së Shkodrës për të larguar materialet zgjedhore, diçka e cila është shoqëruar edhe me tensione e përplasje fizike.
Punonjësit e Policisë mbrojnë me forcë qendrën e KZAZ-së ndërkohë që punonjësit e bashkisë dhe persona të tjerë që i mbështesin të futen brenda me pretendimin se këto ambjenti i përkasin bashkisë dhe se kjo e fundit do të zbatojë dekretin e Presidentit të botuar në fletorën zyrtare dhe që parashikon anullimin e zgjedhjeve të 30 Qershorit.
Më herët përmes një shkrese drejtuar policisë, Ademi i kërkonte policisë së shtetit që të ishte prezente në momentin kur do të largoheshin materialet zgjedhore të vendosura nëpër KZAZ-të ku ishte parashikuar që do të votohej për zgjedhjet e 30 Qershorit.
Sipas kësaj kërkese, kjo pocedurë do të ndiqet në zbatim të dekretit të Presidentit lëshuar me datë 10 Qershor me të cilin ç’dekreton datën 30 Qershor si datë zgjedhjesh, dhe që sipas saj, është botuar në fletoren e zytare.
Bashkitë e drejtuara nga opozita në bllok i kanë kërkuar KQZ-së që të zbatojë dekretin e presidentit Meta, dhe të lirohen ambientet e KZAZ-ve, kërkesë kjo që nuk është marrë parasysh derimë tani.(F.GJ/FAXWEB.AL)
Discussion about this post