Kryeministri Edi Rama është pritur me protesta edhe në Londër, teksa ka shkuar për të mbajtur një takim me kryeministrat e Ballkanit Perëndimor. ‘’O mashtrues, o mafioz”, këto janë disa nga thirrjet e shqiptarëve që kanë organizuar protestën kundër Ramës.
Rama shihet i suprizuar teksa zbret nga makina e tij për të hyrë në hotelin ku do të mbahet takimi me kryeministrat e Maqedonisë dhe të Serbisë.
Dhjetra emigrantë shqiptarë kanë vijuar me thirrjet e tyre: Albanian mafia, Rama ik, Rama hajde poshtë se po të presim, legen, tradhëtar!
Në një komunikim me Faxweb.al një prej protestuesve shprehet se ata do të qëndrojnë aty deri në daljen e Ramës, pasi emigrantët në Angli ndihen të zhgënjyer nga qeverisja shqiptare, dhe nga publikimi i audiopërgjimeve, që kanë njollosur imazhin e vendit.
Rama ndodhet prej dy ditësh në Londër, nga ku është njohur dhe me përgjimet e reja të publikuara nga Bild, në të cilat shfaqet ai vetë dhe zyrtarë të PS-së, teksa negociojnë për blerjen e votave në zgjedhjet lokale të Dibrës në vitin 2016.
Në Shqipëri në të gjitha qytetet e vendit Rama është pritur me protesta gjatë takimeve të tij elektorale, por tashmë revolta ndaj kryeministrit i ka kapërcyer kufijtë e vendit.
(E.K/Faxweb.al)
Discussion about this post