Protestës së banorëve të Kodër Vilës që kërkojnë pezullimin e një kompleksi banimi me katër pallate 5 katësh pasditen e sotme i janë bashkuar edhe krerët e PD-së së Durrësit.
Ferdinand Xhaferaj, kreu i degës lokale, hodhi akuza ndaj kreut të bashkisë Vangjush Dako dhe zyrtarëve të tjerë të bashkisë për dhënien e lejes së ndërtimit në këtë zonë.
Për disa momente, Xhaferaj u konfliktua edhe me pronarët e truallit, të cilët i kërkuan që të mos hyjë në pronë private. Më pas, të gjithë protestuesit kanë dalë nga kantieri i firmës së ndërtimit dhe kanë protestuar në ambient publik.
Xhaferaj tha se nuk janë kundër pronarëve të truallit, por kundër korrupsionit që Vangjush Dako ka bërë me lejet e ndërtimit në këtë zonë që është konsideruar mushkëria e qytetit.
Akuza u ngritën edhe në drejtim të gjykatës që i hapi rrugë nisjes së ndërtimeve në këtë zonë. Ndërkohë, banorët e zonës së Kodër Vilës thanë se do të vijojnë me protestat në ditët në vijim.
Kojtojmë se 17 familje në Kodër Vilë në Durrës i kanë dërguar një peticion bashkisë së Durrësit pasi ka dhënë leje ndërtimi në këtë zonë dhe që sipas banorëve rrezikon shembjen e banesave të tyre. 17 familjet kërkojne pezullimin e lejes pasi rrezikon të shembet gjithë Kodër Vila.
Leja për ndërtim sipas banorëve është dhënë nga Bashkia pa pyetur banorët e zonës dhe se pemët janë duke u prerë pa anjë kusht sigurie. Ajo shprehet se rreth 17 familje janë pjesë e një procesi gjyqsor kundër kësaj ngjarje.
(F.GJ/FAXWEB.AL)
Discussion about this post