Presidenti Meta i ”përvishet” Ramës: Nuk është momenti për prova force, zgjidhje sa më shpejtë!

Presidenti i vendit Ilir Meta ka bërë një tjetër deklaratë të fortë për mediat, ku kërkon që të shmangen menjëherë provat e forcës.

Në këtë mënyrë Meta i përgjigjet situatës së tensionuar në vend, dhe provokimeve të kryeministrit Rama nga Kuvendi, i cili tha se katërshja Meta-Basha-Kryemadhi-Berisha synojnë që të djegin vendit.

Reagimi i presidentit Meta:

U bënë dhjetë ditë që është në fuqi dekreti i Presidentit të Republikës për anulimin e datës së zgjedhjeve më datë 30 qershor, me qëllim qetësimin e situatës dhe krijimin e mundësive për dialog, që do të normalizonte situatën politike dhe do të krijonte mundësinë për një datë të re të zgjedhjeve vendore, gjithëpërfshirëse dhe demokratike.

Theksoj sërish se nuk është kurrsesi momenti për prova force, për retorikë përçarëse dhe provokuese, por për maturi dhe përgjegjshmëri të lartë për interesat kombëtare të vendit dhe vazhdimësinë e integrimit evropian që është objektiv kombëtar i të gjithë shqiptarëve.

Sërish insistoj me forcë rëndësinë e dialogut mes palëve e njëkohësisht gatishmërinë time për të kontribuar për një zgjidhje sa më të shpejtë.

(E.K/Faxweb.al)