Urdhri i Arta Markut për prokurorët dhe oficerët e policisë gjyqësore të cilët do të angazhohen në terren për të vëzhguar zgjedhjet vendore 2019 (lexo) është pasuar me një reagim të Partisë Demokratike e cila e akuzuar Arta Markun se po bën akte nul, si kjo, për të penguar enkas hetimin e 2 dosjeve të ‘nxehta’ të manipulimit të votave në zgjedhjet e 2016-s dhe 2017-s.
Në një postim në FB sekretari i Përgjithshëm i kësaj partie, Gazment Bardhi shkruan se: “Përfaqësuesja e Edi Ramës në Prokurorinë e Përgjithshme Arta Marku i ka mbi tavolinë dy dosje të krimeve mostruoze zgjedhore, nr. 184/2016 dhe nr. 339/2017. Po humb kohën kot me udhëzime e shkresa pa vlerë! Boll pengove hetimin dhe dërgimin para drejtësisë të hajdutëve të zgjedhjeve, të kapur me përgjime të ligjshme të prokurorisë për krime të rënda.
Krime zgjedhore të rënda janë blerja e votave, kanosja e votuesve, presioni mbi administratën apo përdorimi i administratës për zgjedhje“. Sipas Bardhit këto krime zgjedhore janë njësoj dhe pse janë kryer nga “Ulsiu, Damiani apo Vangjushi“.
Postimi i plotë:
Përfaqësuesja e Edi Ramës në Prokurorinë e Përgjithshme Arta Marku i ka mbi tavolinë dy dosje të krimeve mostruoze zgjedhore, nr. 184/2016 dhe nr. 339/2017. Po humb kohën kot me udhëzime e shkresa pa vlerë! Boll pengove hetimin dhe dërgimin para drejtësisë të hajdutëve të zgjedhjeve, të kapur me përgjime të ligjshme të prokurorisë për krime të rënda.
Krime zgjedhore të rënda janë blerja e votave, kanosja e votuesve, presioni mbi administratën apo përdorimi i administratës për zgjedhje. Këto krime duhen ndëshkuar, pavarësisht nëse janë kryer nga Ulsiu, Damiani apo Vangjushi. Pa u ndëshkuar hajdutët e zgjedhjeve, nuk mund të ketë zgjedhje të tjera në Shqipëri. Boll më me lojra dhe propagandë. Kohë për drejtësi është tani!
Discussion about this post