Kryeministri Edi Rama pas shkarkimit të kryebashkiakut të Vaut të Dejës, ka shënjestruar edhe kryetaren e Bashkisë së Shkodrës përmes një postimi në rrjetet sociale ku ka publikuar edhe një shkresë të firmosur prej saj.
Me anë të kësaj shkrese Ademi urdhëronte administratën e Bashkisë së Shkodrë që të paraqitej në ambientet e punës nga ora 07:00 e mëngjesit të kësaj të diele deri në orën 19:00 të mbrëmjes.
Rama pyet kryedemokratin Basha përkrah fotos së këtij urdhëri nëse kjo ka dalë me kokën e saj apo me porosi të kryetarit të PD-së ndërkohë që i kërkon këtij të fundit të sqarojë se “ç’është ky pasion për punë në ditë pushimi në një bashki që ka 4 vjet në gjumë!”
Reagimi i Ramës:
Dhe meqë jemi tek dora jote e fshehur dhe gurët e tu të hedhur, po këtë shkresën e kësaj Qamile Haxhiut të Shkodrës e ke urdhëruar ti apo e ka bërë në kokë të vet kjo molotokratja? Dil sqaroje Artist ç’është ky pasion për punë në ditë pushimi në një bashki që ka 4 vjet në gjumë!
Kryebashkiakia e Shkodrës Voltana Ademi ka nxjerrë ditën e djeshme një urdhër të bredshëm se në këtë fundjave punonjësit e administratës do të jenë në punë nga ora 07:00 e mëngjesit e dier në orën 19:00 të darkës.
Nga ana tjetër theksojmë se ky reagim i kryministrit Rama vjen pas vendimit të këtij të fundit për shkarkimin nga detyra të kryebashkiakut të Vaut të dejës, Zef Hila me pretendimin se ka dhunuar dhe nxitur djegien e qendrës së KZAZ-së në qytetin që ai drejton.
Ky mund të jetë një tjetër sinjal i Ramës se mund të ketë të tjera vendime të këtij lloji për shkakrimin e kryebashkiakëve të djathtë pse organizojnë protesta kundër zgjedhjeve të 30 Qershorit.
Ndërkohë që kanë mbetur edhe pak kohë nga fillimi i procesit zgjedhor të 30 Qershorit dhe votimeve në 61 bashkitë e vendit pavarësisht se pa dekret shtuar kësaj në mungesë të zbatimit të një tjetër dekreti, atë të shpallur dje nga Presidenti ku 13 Tetori është caktuar si datë e re zgjedhjesh, palët ende nuk kanë dhënë asnjë sinjal për arritjen e një marrëveshjeje.
(F.GJ/FAXWEB.AL)
