Edhe kurbinasit ngrihen në rrevoltë një ditë para votimeve, qindra protestues marshojnë në Laç (Video)

Edhe në Kurbin Aleanca për Mbrojtjen e Demokracisë ka nisur marshimin nëpër rrugët e qytetit kundër zgjedhjeve të 30 qershorit.

Duke thyar kështu heshtjen një ditë përpara se të nis procesi I votimit, protestuesit kanë dalë me pankarta në duar kundër qeverisë dhe kryeministrit Rama nga ku kërkojnë dorëheqjen e menjëhershme të tij dhe anullimin e zgjedhjeve që pritet të mbahen nesër.

Sa i përket incidenteve dhe përplasjeve, siç duket edhe nga pamjet, tubimi është paqësor ndërsa protestuesit janë shprehur se edhe ditën e nesërme do të bëhet e njëjta gjë duke sensibilizuar qytetarët e tjerë që të bojkotojnë procesin farcë në përpjkjen e Ramës sipas tyre për instalimin e diktaturës.

Pak minuta më parë edhe në Tiranë përkrahësit e opozitës janë mbledhur pranë një qendre të caktuar për votimet e ditës së nesërme në zonën e Astirit, ku me pankarta në duar dhe thirrjeve anti-qeveritare kanë kërkuar anullimin e zgjedhjeve dhe largimin e kryeministrit Rama.

(F.GJ/FAXWEB.AL)