Vala e të nxehtit ka përfshirë dhe Anglinë. Dje në Britani mërkuri në termometër ka shënuar 34 gradë celcius. Kjo mund të jetë dita më e nxehtë e qershorit prej 178 vjetësh në Britani, që kur të dhënat e Zyrës së Metut për temperaturat filluan në 1841.
Parashikuesit thanë se ka një shans 50 për qind për të thyer rekordin e 35.6 C të qershorit të vendosur më 29 qershor 1957, në Londër dhe më 28 qershor 1976 në Southampton.
Shumë prej njerëzve kanë zgjedhur të shkojnë në plazhe ndërsa disa të tjerë u mblodhën nëpër kopshte duke pirë birra dhe pije freskuese.
Anglezët kanë vërshuar që prej mëngjesit nëpër lokale dhe supermarkete për tu furnizuar me lëngje dhe ushqime duke shkaktuar kështu radhë të gjata. Sipas raportimeve nga mediat britanike janë shitur 1 milionë salçiçe, 650,000 burgerë dhe 1 milion pako me bukë.
Përveç shpenzimeve, argëtimit dhe të shijuarit e temperaturës pranë detit ka patur incidente dhe tragjedi. Një 63-vjeçar teksa shijonte motin e nxehtë në brigjet e detit të Javanës në Isle of Ëight, dhe një tjetër pushues i cili u gjend në vështirësi rreth orës 12:50 ishin personat e fundit që vdiqën si shkak i të nxehtit, thuhet në raportime.
Shërbimet emergjente paralajmërojnë dhe japin këshilla për publikun që të kujdeset në kushtet e nxehta.
Discussion about this post