Duket se socialistët e kanë tepruar ditën e djeshme me mbushjen e kutive të votimit jashtë orarit zyrtar. Rasti i tretë gjatë ditës së sotme vjen nga Bashkia e Divjakës ku kandidati Fredi Kokoneshi ka marrë 513 vota më shumë se numri i qytetarëve që kanë marrë pjesë në zgjedhje.
Pas fitores 100 përqindëshe të kandidates së Edi Ramës në Bashkinë e Urës Vajgurore, e cila kishte marrë 1766 vota më shumë votues që kishte në zgjedhje, të tjera detaje dalin në dritë nga krimi elektoral që ka ndodhur gjatë ditës së djeshme.
Në bashkinë e Malësisë së Madhe ka ndodhur çudia e radhës.
Nga të dhënat zyrtare të KQZ-së në këtë bashki në 30 qershor kanë votuar 7600 qytetarë.
Por pas numërimit të kutive kanë rezultuar se brenda ishin 8265 vota.
Në Malësinë e Madhe ka fituar kandidati i Ramës Tonin Marinaj me 7772 vota ose thënë ndryshe 122 vota më shumë se votues.
Discussion about this post