Është marrë si i pandehur nga Policia e Tiranës studenti, Vilson Kulemani ndaj të cilit rëndon akuza e “Prishjes së qetësisë publike” për ngjarjen e ndodhur janarin e këtij viti pranë shkollës “Petro Nini”.
Kulemani bashkë me studentin tjetër, Gëzim Almeta ishin shoqëruar edhe më parë në Polici për shkak se në shenjë proteste u kanë vënë drynin fakulteteve.
Ngjarja ka ndodhur ne Janar të këtij viti, kohë e cila studentët protestonin duke i kërkuar qeverisë shqiptare plotësimin e kërkesave të tyre që kishin të bënin që nga ligji për arsimin e lartë, karta e studentit, rikonstruksioni i godinave universitare dhe konvikteve etj.
Në kohën kur studentët bënë këtë gjest, duke i vënë drynin derës së shkollës, ka reaguar dhe vetë kryeministri Edi Rama i cili tha se kjo është prova se protesta e studentëve është marrë peng.
(F.GJ/FAXWEB.AL)
