Sot Kuvendi votoi për ngritjen e Komisionit Hetimor Parlamentar për ndjekjen e hetimeve tre mujore për shkarkimin e Presidentit Ilir Meta, ndërkohë që në seancë ishin të pranishëm 111 deputetë.
Rudina Hajdari, kryetare e grupit parlamentar demokrat, Myslim Murrizi dhe Ralf Gjoni nga i të pavarurve kanë munguar në seancën e sotme. Hajdari dhe Murrizi e ndoqën seancën plenare nga jashtë se lisë së Kuvendit duke mos marrë pjesë në votim.
Kujtojmë se Rudina Hajdari është shprehur edhe më herët pro hetimit të Presidentit Ilir Meta, por se këtë duhet ta bëjë Gjykata Kushtetuese dhe se një komision hetimor në këtë situatë politike do ta acaronte edhe më tej situatën.
Por pavarësisht kësaj, Hajdari ka pranuar si dhe ka dërguar anëtarët e saj në komisionin që do të hetojë për një periudhë tre mujore vendimet e fundit të Presidentit që pas kësaj do të vendoset edhe për shkarkimin e tij.
(F.GJ/FAXWEB.AL)
Discussion about this post