Ka mbaruar në Këshillin e Lartë të Prokurorisë intervistimi i prokuroritë të Krimeve të Rënda, Besim Hajdarmataj. KLP e ka pyetur prokurorin për dosjet më të nxehta, ndër to dosjen “Shullazi”, “Tahiri” dhe “339”.
EURALIUS dhe OPDATE e kanë pyetur prokurorin në veçanti për materialet e përgjimeve të publikuara nga gazeta “Bild”, ku implikohen zyrtarë të lartë të qeverisë së Edi Ramës.
Prokurori është përgjigjur se përderisa Prokuroria për Krime të Rënda nuk ka patur një sektor të vetin për përgjimet, atëherë është e vështirë të përcaktohet nga kush kanë dalë ato.
Duket se Euralius dhe OPDATE nuk i kanë shpëtuar zhvillimeve politike në vendin tonë, ku akuza për nxjerrjen e përgjimeve nga Hajdarmataj është bërë më herët dhe nga socialistët dhe kryeministri Edi Rama.
Madje për nxjerrjen e përgjimeve ka nisur dhe një process hetimor nga Prokuroria e Tiranës, ndërsa për dosjet e shitblerjes së votave, nuk ka ende asnjë të pandehur përpara drejtësisë.
(E.K/Faxweb.al)
